2019 సంవత్సరం చివరినాటికి ఆధార్ 125 కోట్ల మార్కును దాటిందని ప్రభుత్వం పేర్కొంది. అంటే భారతదేశంలో 125 కోట్ల మంది ప్రజలు 12 అంకెల ప్రత్యేక గుర్తింపు సంఖ్యను కలిగి ఉన్నారు. ఈ కార్డు యొక్క హోల్డర్లు ఆధార్‌ను ప్రాధమిక గుర్తింపు పత్రంగా పరిగణించబడటంతో చాలావేగంగా ఆ సంఖ్యను చేరటం సాధ్యమైంది . ప్రస్తుతం, యుఐడిఎఐ ప్రతిరోజూ 3 కోట్ల ప్రామాణీకరణ అభ్యర్థనలను అందుకుంటుందని కేంద్ర ప్రభుత్వం ఒక ప్రకటనలో తెలిపింది.ప్రజలు వారి వివరాలను ఆధార్లో అప్డేట్ చేయడానికి ఎక్కువ మొగ్గు చూపుతున్నారని ప్రభుత్వం తెలిపింది. డిసెంబర్ 31 లోగా పాన్-ఆధార్ లింకింగ్ అంటే ఈ రెండింటినీ అనుసంధానం చేయాలని ప్రభుత్వం ఒక ప్రకటనలో తెలిపింది. యుఐడిఎఐ ఇప్పటివరకు 331 కోట్ల విజయవంతమైన ఆధార్ అప్డేట్లను (బయోమెట్రిక్ మరియు జనాభా) నమోదు చేసింది. ప్రస్తుతం, UIDAI ప్రతిరోజూ 3-4 లక్షల ఆధార్ అప్డేట్ అభ్యర్థనను అందుకుంటుంది.
2010 సంవత్సరంలోయునైటెడ్ ప్రోగ్రెసివ్ అలయన్స్ (యుపిఎ) ప్రభుత్వం ఆధార్ సేవలను అమలులోకి తెచ్చింది. ప్రతి భారతీయ నివాసికి గుర్తింపు రుజువుగా ఉపయోగపడటానికి 12 అంకెల బయోమెట్రిక్ కార్డు సృష్టించబడింది మరియు కొన్ని ప్రభుత్వ ప్రయోజనాలను పొందటానికి దీనిని ఉపయోగిస్తున్నారు. 2019 డిసెంబర్ 31 లోగా మీ పాన్ కార్డును మీ ఆధార్‌తో అనుసంధానించడం తప్పనిసరి అని ఆదాయపు పన్ను (ఐటి) విభాగం ఈ నెల మొదట్లో తెలిపింది.
