సోమవారం నాడు కాచిగూడ రైల్వే స్టేషన్‌ వద్ద జరిగిన రైలు ప్రమాదఘటనలో తీవ్రంగా గాయపడ్డ ఎంఎంటీఎస్ లోకోపైలోట్ చంద్రశేఖర్ పరిస్థితి విషమంగా ఉంది . విధినిర్వహణలో నిర్లక్ష్యం వహించాడని పోలీసులు అతనిపై కేసు నమోదు చేసారు .
మల్టీ -మోడల్ ట్రాన్స్‌పోర్ట్ సిస్టమ్ (ఎమ్‌ఎమ్‌టిఎస్) రైలు సోమవారం ఉదయం 10.30 గంటల సమయంలో కర్నూలు సిటీ-సికింద్రాబాద్ హండ్రీ ఇంటర్‌సిటీ ఎక్స్‌ప్రెస్‌లోకి దూసుకెళ్లిన ప్రమాద ఘటన లో సుమారు 20 మందికిపైగా గాయపడ్డారు.
ప్రాథమిక విచారణ తరువాత, లోకో పైలట్ చంద్రశేఖర్ ఎర్రటి సిగ్నల్ దాటినందున తప్పు జరిగిందని రైల్వే అధికారులు పేర్కొన్నారు, ఇది రెండు రైళ్లు ఎదురెదురుగా ఢీ కొనడానికి దారితీసింది.కాచిగూడ ప్రభుత్వ రైల్వే పోలీసులు (జిఆర్పి) అతనిపై సెక్షన్ 308,337 మరియు 338 వంటి పలు సెక్షన్ల కింద కేసు నమోదు చేశారు.
ప్రమాదం జరిగిన వెంటనే లోకోపైలట్ చంద్రశేఖర్ నుజ్జుగుజ్జయిన డ్రైవర్ క్యాబిన్‌లో ఇరుక్కున్నాడు . జాతీయ విపత్తు ప్రతిస్పందన దళం మరియు రైల్వే సిబ్బంది ఎనిమిది గంటల పాటు శ్రమించి అతన్ని రక్షించారు.చంద్రశేఖర్‌ను వెంటిలేటర్‌లో ఉంచారు. ఈ ప్రమాదంలో అతని పక్కటెముకలు విరిగిపోయి ఊపిరితిత్తులు మరియు మూత్రపిండాలకు గాయాలయ్యాయి. తీవ్ర అంతర్గత రక్తస్రావం జరిగింది.
